અમદાવાદ શહેર પોલીસ કમિશનર કચેરી (સૌજન્ય: અમદાવાદ શહેર ​અમદાવાદ:

અમદાવાદ શહેરમાં સાયબર ફ્રોડ અને વિદેશ મોકલવાના નામે લાખો રૂપિયા પડાવી લેવાના બે અલગ-અલગ ગુના નોંધાયા છે.

​૧. સાયબર ક્રાઇમ: બેંક પાન કાર્ડ અપડેટના નામે નિકોલના વૃદ્ધ સાથે ₹૫.૧૯ લાખની ઠગાઈ

​નિકોલ ખાતે એસ.પી. રીંગ રોડ પાસે આવેલા ભક્તિરાજ બંગ્લોઝમાં રહેતા ૬૫ વર્ષીય ખુશાલસિંઘ ખેમસિંઘ રાજપુતે સાયબર ક્રાઇમ પોલીસ સ્ટેશનમાં ફરિયાદ નોંધાવી છે. ફરિયાદ મુજબ, તારીખ ૦૩/૦૬/૨૦૨૬ થી ૦૪/૦૬/૨૦૨૬ દરમિયાન અજાણ્યા મોબાઈલ નંબર (+91 7090229049) પરથી તેમના વ્હોટ્સએપ પર ‘BOI PAN CARD UPDATE.apk’ નામની શંકાસ્પદ ફાઈલ મોકલવામાં આવી હતી.

​આ ફાઈલ ડાઉનલોડ કરતાં જ અજાણ્યા ભેજાબાજે તેમના મોબાઈલ ફોનનો સંપૂર્ણ એક્સેસ મેળવી લીધો હતો. ત્યારબાદ ફરિયાદીના બેંક ઓફ ઈન્ડિયા (Bank of India) ખાતામાંથી અલગ-અલગ પાંચ ટ્રાન્ઝેક્શન મારફતે કુલ રૂપિયા ૫,૧૯,૫૦૬/- ટ્રાન્સફર કરી લઈ વિશ્વાસઘાત અને છેતરપિંડી આચરી હતી. આ મામલે સાયબર ક્રાઇમ પોલીસે ગુનો નોંધી પી.આઈ. પી.એચ. મકવાણાએ વધુ તપાસ હાથ ધરી છે.

​૨. સોલા હાઇકોર્ટ: ફિનલેન્ડના વર્ક પરમિટ વિઝાના નામે ₹૨૮ લાખની છેતરપિંડી

​બીજા બનાવમાં, મહેસાણા જિલ્લાના કડી ખાતે સ્કાય લાઈટ ફ્લેટમાં રહેતા ૩૪ વર્ષીય પરાગભાઈ વિષ્ણુભાઈ પટેલે સોલા હાઇકોર્ટ પોલીસ સ્ટેશનમાં ફરિયાદ નોંધાવી છે. જેમાં જણાવ્યા અનુસાર, તારીખ ૨૯/૧૦/૨૦૨૫ થી અત્યાર સુધીના સમયગાળા દરમિયાન ઘાટલોડિયાના ચાણક્યપુરી સ્થિત નેહા એપાર્ટમેન્ટમાં રહેતા આરોપી રોહિત નટવરલાલ શર્મા (ઉં.વ. ૪૬) એ પરાગભાઈને વિશ્વાસમાં લીધા હતા.

​આરોપીએ પરાગભાઈની પત્નીને ફિનલેન્ડ દેશના વર્ક પરમિટ વિઝા કરાવી આપવાની લાલચ આપી ટુકડે-ટુકડે કુલ રોકડ રૂપિયા ૨૮,૦૦,૦૦૦/- મેળવી લીધા હતા. નાણાં મેળવ્યા બાદ આરોપીએ ફિનલેન્ડમાં નોકરી માટેનો ખોટો ઓફર લેટર, વર્ક પરમિટ વિઝા તેમજ ત્યાં રહેવા માટેની નકલી રિસિપ્ટ વ્હોટ્સએપ પર મોકલી આપી હતી. જોકે, ઓરિજિનલ દસ્તાવેજો ન આપી કે લીધેલા નાણાં પરત ન કરી પરાગભાઈ સાથે ઠગાઈ કરી હતી. આ કેસની તપાસ સોલા હાઇકોર્ટ પોલીસ સ્ટેશનના પીએસઆઈ પી.બી. મેસવાણીયા ચલાવી રહ્યા છે.જોકે, ઓરિજિનલ દસ્તાવેજો ન આપી કે લીધેલા નાણાં પરત ન કરી પરાગભાઈ સાથે ઠગાઈ કરી હતી. આ કેસની તપાસ સોલા હાઇકોર્ટ પોલીસ સ્ટેશનના પીએસઆઈ પી.બી. મેસવાણીયા ચલાવી રહ્યા છે.