અમદાવાદ: દિવાળીના તહેવાર દરમિયાન સ્વદેશી ચીજવસ્તુઓની ખરીદી અને સ્થાનિક ઉત્પાદનોને પ્રોત્સાહન આપવાના હેતુથી અમદાવાદના સરસ મેળામાં મહિલા સ્વસહાય જૂથો અને સ્થાનિક કારીગરોને વિશેષ બજાર ઉઉપલબ્ધ થઈ રહ્યું છે. ‘વોકલ ફોર લોકલ’ અને ‘આત્મનિર્ભર ભારત’ના સંકલ્પને સાકાર કરવાની દિશામાં આ મેળો સ્થાનિક કારીગરો અને નાના વેપારીઓ માટે રોજગારી તથા આર્થિક વિકાસનું મહત્વપૂર્ણ માધ્યમ બની રહ્યો છે.દિવાળીના પર્વ નિમિત્તે યોજાયેલા આ સરસ મેળામાં વિવિધ મહિલા સ્વસહાય જૂથો દ્વારા તૈયાર કરવામાં આવેલી સ્વદેશી ચીજવસ્તુઓ, હસ્તકલા ઉત્પાદનો અને સ્થાનિક કારીગરોની બનાવટોને ગ્રાહકો સમક્ષ રજૂ કરવામાં આવી રહી છે. આના કારણે સ્થાનિક સ્તરે તૈયાર થતી વસ્તુઓને સીધું બજાર મળી રહ્યું છે અને કારીગરોનેપોતાની કળા તથા ઉત્પાદનોનું વેચાણ કરવાની નવી તક મળી રહી છે.

ગુજરાત સરકાર દ્વારા સ્થાનિક ઉત્પાદનોને પ્રોત્સાહન આપવા માટે કરવામાં આવતી વિવિધ પહેલનાપરિણામે નાના વેપારીઓ, મહિલા સ્વસહાય જૂથો અને પરંપરાગત કારીગરોને આર્થિક રીતે સક્ષમ બનાવવાની દિશામાં પ્રયાસો થઈ રહ્યા છે. ખાસ કરીને ખાદી અને પોલિ-વસ્ત્રોની ખરીદી પર આપવામાં આવતી વિશેષ રિબેટ જેવી પ્રોત્સાહક વ્યવસ્થાઓથી સ્વદેશી ઉત્પાદનો તરફ ગ્રાહકોનું આકર્ષણ વધારવાનો પ્રપ્રયાસ કરવામાં આવી રહ્યો છે.

આવા મેળાઓ માત્ર ખરીદી-વેચાણ પૂરતા મર્યાદિત નથી, પરંતુ સ્થાનિક કારીગરોની સર્જનાત્મકતા, પરંપરાગત કળા અને મહિલા સ્વરોજગારને નવી ઓળખ અપાવવાનું પણ કાર્ય કરે છે. મહિલા સ્વસહાય જૂથોને પોતાના ઉત્પાદનોનું પ્રદર્શન અને વેચાણ કરવાની તક મળવાથી તેમની આવકમાં વધારો થવાની સાથે આત્મનિર્ભર બનવાની દિશામાં પણ પ્રોત્સાહન મળે છે.આમ, અમદાવાદનો સરસ મેળો દિવાળીના ઉત્સવની ખરીદી સાથે સ્થાનિક રોજગારી, સ્વદેશી ઉત્પાદનો અને આત્મનિર્ભર અર્થતંત્રને પ્રોત્સાહન આપતી પહેલ તરીકે મહત્વપૂર્ણ બની રહ્યો છે.સમાચાર સૌજન્ય: ગુજરાત સરકારમાહિતી વિભાગ

અખિલ ગુજરાત (દૈનિક સમાચાર)