વિભાગ

ગુજરાતના રાજકીય, વિકાસ, શિક્ષણ, સંસ્કૃતિ અને શહેરી સમાચાર.

અમદાવાદ વડોદરા સુરત રાજકોટ ગાંધીનગર ખેડા મહેસાણા મોડાસા પંચમહાલ દાહોદ બનાસકાંઠા આણંદ

ગુજરાત

ગુજરાત•અમદાવાદ•10 નવેમ્બર, 2026

.Happy new year 🙏🙏💐💐

ગુજરાત•ગાંધીનગર•9 નવેમ્બર, 2026

‘વોકલ ફોર લોકલ’ અને ‘આત્મનિર્ભર ભારત’ અભિયાનને વેગ: અમદાવાદના સરસ મેળામાં સ્થાનિક કારીગરો અને મહિલા સ્વસહાય જૂથોની સ્વદેશી ચીજવસ્તુઓને મળ્યું વિશેષ બજાર

દિવાળીના પર્વ નિમિત્તે અમદાવાદમાં યોજાયેલા સરસ મેળામાં મહિલા સ્વસહાય જૂથો અને સ્થાનિક કારીગરો દ્વારા તૈયાર કરવામાં આવેલી સ્વદેશી ચીજવસ્તુઓને વિશેષ બજાર મળી રહ્યું છે. ગુજરાત સરકારની પ્રોત્સાહક પહેલથી નાના વેપારીઓ અને કારીગરોને રોજગારી તથા આર્થિક સશક્તિકરણની નવી તકો મળી રહી છે.ખાદી અને પોલિ-વસ્ત્રો પર વિશેષ રિબેટ જેવી યોજનાઓથી ‘વોકલ ફોર લોકલ’ અને ‘આત્મનિર્ભર ભારત’ અભિયાનને પ્રોત્સાહન મળી રહ્યું છે.

ગુજરાત•ગાંધીનગર•8 નવેમ્બર, 2026

‘અટલ સ્વાન્તઃ સુખાય યોજના’ હેઠળ પ્રોજેક્ટની ઓનલાઈન નોંધણી ફરજિયાત: 15 નવેમ્બર છેલ્લી તારીખ

રાજ્ય સરકારના અધિકારીઓ અને કર્મચારીઓએ પોતાના પ્રોજેક્ટની નોંધણી 15 નવેમ્બર સુધીમાં assy.gujarat.gov.in પોર્ટલ પર કરાવવાની રહેશે. અગાઉ લેખિત રીતે નોંધણી કરાવનારાઓએ પણ ફરીથી ઓનલાઈન નોંધણી કરાવવી પડશે

ગુજરાત•અમદાવાદ•8 નવેમ્બર, 2026

2029 સુધીમાં નશામુક્ત ભારતનું લક્ષ્ય હાંસલ કરવા કેન્દ્રીય ગૃહમંત્રી અમિત શાહની તાકીદ

અમદાવાદ ખાતે કેન્દ્રીય ગૃહ અને સહકારિતા મંત્રી અમિતભાઈ શાહની અધ્યક્ષતામાં ગુજરાત રાજ્યની કાયદો-વ્યવસ્થા અને નાગરિક સુરક્ષા અંગે ઉચ્ચસ્તરીય સમીક્ષા બેઠક યોજાઈ હતી. બેઠકમાં વર્ષ 2029 સુધીમાં નશામુક્ત ભારતનું લક્ષ્ય હાંસલ કરવા માટે જરૂરી પગલાં લેવા તાકીદ કરવામાં આવી હતી. આ ઉપરાંત પોલીસ આધુનિકીકરણ, સરહદી અને દરિયાઈ સુરક્ષા, સાયબર ક્રાઇમ, આતંકવાદ નિયંત્રણ, આર્થિક અપરાધ, ડિઝાસ્ટર મેનેજમેન્ટ અને આંતરરાજ્ય સહયોગ સહિતના મહત્ત્વપૂર્ણ મુદ્દાઓની સમીક્ષા કરી રાજ્ય સરકારને જરૂરી સૂચનો અને દિશાનિર્દેશો આપવામાં આવ્યા હતા.

ગુજરાત•ગાંધીનગર•7 નવેમ્બર, 2026

સર્વાઇકલ કેન્સર સામે ગુજરાતની મોટી સિદ્ધિ: 9.30 લાખથી વધુ કિશોરીઓનું HPV રસીકરણ પૂર્ણ, કેન્દ્ર દ્વારા વધુ 2.92 લાખ ડોઝ ફાળવાયા

મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં ગુજરાતે સર્વાઇકલ કેન્સર સામે રક્ષણ પૂરું પાડવાના હેતુથી હાથ ધરાયેલા HPV રસીકરણ અભિયાનમાં નોંધપાત્ર કામગીરી કરી છે. રાજ્યમાં અત્યાર સુધીમાં 9.30 લાખથી વધુ કિશોરીઓનું રસીકરણ પૂર્ણ કરવામાં આવ્યું છે. આ કામગીરીને વધુ વેગ આપવા કેન્દ્ર સરકાર દ્વારા ગુજરાતને વધારાના 2.92 લાખ HPV રસીના ડોઝ ફાળવવામાં આવ્યા છે. રસીકરણ અભિયાનની મુદત 31 ડિસેમ્બર, 2026 સુધી લંબાવવામાં આવી છે.

ગુજરાત•ગાંધીનગર•6 નવેમ્બર, 2026

બિરસા મુંડાની ૧૫૧મી જન્મજયંતી: ૧૨ થી ૧૮ નવેમ્બર સમગ્ર ગુજરાતમાં 'જનજાતિય ગૌરવ દિવસ' તરીકે ઉજવાશે; ₹૧૫૦૦ કરોડના વિકાસલક્ષી લાભો અપાશે

ગુજરાત સરકાર દ્વારા ધરતી આબા ભગવાન બિરસા મુંડાની ૧૫૧મી જન્મજયંતી નિમિત્તે આગામી ૧૨ થી ૧૮ નવેમ્બર દરમિયાન રાજ્યવ્યાપી 'જનજાતિય ગૌરવ દિવસ' સપ્તાહની ભવ્ય ઉજવણી કરવામાં આવશે. મુખ્યમંત્રી ભૂપેન્દ્રભાઈ પટેલની અધ્યક્ષતામાં મળેલી ઉચ્ચસ્તરીય બેઠકમાં કાર્યક્રમોને આખરી ઓપ અપાયો છે. ૧૫ નવેમ્બરે છોટાઉદેપુરમાં રાજ્યકક્ષાનો મુખ્ય કાર્યક્રમ યોજાશે. સમગ્ર સપ્તાહ દરમિયાન ૧૪ આદિજાતિ જિલ્લાઓ સહિત રાજ્યભરમાં વિવિધ સાંસ્કૃતિક, રમતગમત અને જાગૃતિ કાર્યક્રમો યોજાશે તેમજ ૩૨,૦૦૦થી વધુ લાભાર્થીઓને ₹૧,૫૦૦ કરોડના યોજનાકીય લાભોનું વિતરણ કરાશે.

ગુજરાત•5 નવેમ્બર, 2026

ચીટિંગ, વ્યાજખોરી અને અંધશ્રદ્ધાનો ભોગ બનેલા નાગરિકોને મોટી રાહત: આણંદ પોલીસે ફ્લેટ, જમીનના દસ્તાવેજો અને સોનું-રોકડ પરત અપાવ્યા

ગાંધીનગર ખાતે આયોજિત 'તેરા તુજકો અર્પણ' કાર્યક્રમ અંતર્ગત રાજ્યના નાયબ મુખ્યમંત્રી શ્રી હર્ષ સંઘવીના હસ્તે છેતરપિંડી, વ્યાજખોરી અને અંધશ્રદ્ધાનો ભોગ બનેલા આણંદના પીડિતોને કરોડો રૂપિયાની મિલકતો અને રોકડ સન્માનપૂર્વક પરત સોંપવામાં આવી હતી. આણંદ પોલીસની સમયસૂચક અને કડક કાર્યવાહીના પરિણામે અરજદારોને રૂ. ૨૬ લાખનો ફ્લેટ, રૂ. ૩૭ લાખથી વધુની રોકડ-ચેક, ૭ વીઘા જમીન, મકાન-દુકાનના અસલ દસ્તાવેજો તથા ૮ તોલા સોનું અને ૪૦૦ ગ્રામ ચાંદી પરત મળ્યા છે.

ગુજરાત•ગાંધીનગર•4 નવેમ્બર, 2026

લોકોના આરોગ્ય સાથે ચેડાં કરનારા લેભાગુ તત્વો સામે કડક કાર્યવાહી: ૨૯૮ ટીમોના દરોડામાં ૩૮ શંકાસ્પદ બોગસ ડોક્ટર ઝડપાયા

સંયુક્ત ઓપરેશન: આરોગ્ય મંત્રી શ્રી પ્રફુલ પાનશેરીયાના માર્ગદર્શન હેઠળ આરોગ્ય વિભાગ, પોલીસ, ક્રાઇમ બ્રાન્ચ અને SOGની ૨૯૮ ટીમો દ્વારા ૧૫ દિવસ સઘન તપાસ હાથ ધરાઈ. કાર્યવાહી: કુલ ૩૮ શંકાસ્પદ બોગસ તબીબો ઝડપાયા, જેમાંથી ૩૫ વિરુદ્ધ કાયદેસર ગુનો (FIR) દાખલ કરવામાં આવ્યો. જિલ્લાવાર વિગત: રાજકોટમાં સૌથી વધુ ૧૭, સુરતમાં ૦૯, ગીર સોમનાથમાં ૦૩, સુરેન્દ્રનગરમાં ૦૨ અને અન્ય વિસ્તારોમાં ૦૪ અનધિકૃત તબીબો સામે ફરિયાદ નોંધાઈ. ફરાર તત્વો પર નજર: દરોડાના ડરે ક્લિનિક બંધ કરી ભાગી ગયેલા તત્વો સામે પોલીસ સર્વેલન્સ જારી; તહેવારો બાદ પણ ઝુંબેશ ચાલુ રહેશે. જનજાગૃતિ અપીલ: માત્ર માન્ય ડિગ્રી (MBBS, આયુર્વેદ, હોમિયોપેથી) ધરાવતા રજિસ્ટર્ડ તબીબો પાસે જ સારવાર કરાવવી; શંકાસ્પદ પ્રેક્ટિસની જાણ તુરંત પોલીસ અથવા PHC/CHCને કરવી.

ગુજરાત•ગાંધીનગર•2 નવેમ્બર, 2026

સ્ટેચ્યુ ઓફ યુનિટી ખાતે અત્યાધુનિક એસી વિસ્ટા ડોમ કોચ બસ સેવાનો પ્રારંભ

ગુજરાતના પ્રવાસન ક્ષેત્રને નવી દિશા આપવા સ્ટેચ્યુ ઓફ યુનિટી ખાતે અત્યાધુનિક એસી વિસ્ટા ડોમ કોચ બસ સેવાનો પ્રારંભ કરવામાં આવ્યો છે. ગુજરાત રાજ્ય માર્ગ વાહનવ્યવહાર નિગમ (GSRTC) અને ગુજરાત ટુરિઝમના સંયુક્ત ઉપક્રમે તૈયાર કરાયેલી આ બસોમાં પારદર્શક સ્કાય-વ્યૂ રૂફ, ૨૩ આરામદાયક રિવોલ્વિંગ અને રિક્લાઇનિંગ સહિત અનેક આધુનિક સુવિધાઓ ઉપલબ્ધ કરાવવામાં આવી છે. વડાપ્રધાન નરેન્દ્રભાઈ મોદીએ સ્ટેચ્યુ ઓફ યુનિટી ખાતે પ્રથમ વિસ્ટા ડોમ બસનું લોકાર્પણ કરી તેની સફરનો અનુભવ કર્યો હતો. આગામી સમયમાં રાજ્યનાં અન્ય પ્રવાસન સ્થળો અને હેરિટેજ રૂટ્સ પર પણ આ સેવા તબક્કાવાર શરૂ કરાશે.

ગુજરાત•ગાંધીનગર•1 નવેમ્બર, 2026

દિવાળી પર્વ પર રાજ્ય સરકારનો માનવીય નિર્ણય: ૧૪૩ પાત્ર કેદીઓને ૧૫ દિવસના પેરોલ મંજૂર; ૬૦થી વધુ વયના વૃદ્ધો અને મહિલા કેદીઓ પરિવાર સાથે તહેવાર મનાવશે

કુલ લાભાર્થી: ૧૪૩ પાત્રતા ધરાવતા કેદીઓ (૧૦૩ વૃદ્ધ પુરુષ કેદીઓ + ૪૦ મહિલા કેદીઓ). સમયગાળો: ધનતેરસ (તા. ૦૬/૧૧/૨૦૨૬) થી ૧૫ દિવસ. પાત્રતા માપદંડ: ૬૦ વર્ષ કે તેથી વધુ ઉંમર ધરાવતા પુરુષ કેદીઓ અને પાત્રતા ધરાવતી મહિલા કેદીઓ. નિયમ/અપવાદ: NDPS, TADA, POTA, બળાત્કાર, અપહરણ, આતંકવાદ, લૂંટ કે રાજ્યના અર્થતંત્રને નુકસાન પહોંચાડતા ગંભીર ગુનાઓના કેદીઓને આ લાભ મળશે નહીં.

ગુજરાત•ગાંધીનગર•30 ઑક્ટોબર, 2026

ગુજરાતમાં આવતીકાલથી ‘સતર્કતા જાગૃતિ સપ્તાહ-૨૦૨૬’નો પ્રારંભ

સત્યનિષ્ઠાથી સમૃદ્ધિ’ની થીમ સાથે ભ્રષ્ટાચાર વિરોધી જનજાગૃતિ માટે રાજ્યભરમાં વિવિધ કાર્યક્રમો યોજાશેગુજરાત સરકારના ગૃહ વિભાગ દ્વારા ભ્રષ્ટાચાર નિવારણ, પારદર્શક વહીવટ અને નાગરિકોમાં પ્રમાણિકતાની ભાવના વિકસાવવાના હેતુથી તા. ૩૧ ઓક્ટોબરથી ૭ નવેમ્બર, ૨૦૨૬ દરમિયાન ‘સતર્કતા જાગૃતિ સપ્તાહ-૨૦૨૬’નું આયોજન કરવામાં આવ્યું છે.

ગુજરાત•30 ઑક્ટોબર, 2026

PM મોદીના હસ્તે બનાસકાંઠાથી ગુજરાતને કરોડોના વિકાસકાર્યોની ભેટ: કિસાન સન્માન નિધિના ૨૪મા હપ્તાનું થશે વિતરણ

મુખ્ય આયોજન: વડાપ્રધાન શ્રી નરેન્દ્રભાઈ મોદી આજે બનાસકાંઠાના પ્રવાસે; ગુજરાતના સર્વાંગી વિકાસને વેગ આપતી વિવિધ પરિયોજનાઓનું લોકાર્પણ અને ખાતમુહૂર્ત કરશે. ખેડૂત કલ્યાણ: 'કિસાન કલ્યાણ થી રાષ્ટ્ર કલ્યાણ' મંત્ર હેઠળ દેશ અને રાજ્યના કરોડો અન્નદાતાઓના ખાતામાં 'પ્રધાનમંત્રી કિસાન સન્માન નિધિ' યોજનાનો ૨૪મો હપ્તો સીધો જમા કરવામાં આવશે. મહત્વ: આ પરિયોજનાઓથી ઉત્તર ગુજરાત સહિત સમગ્ર રાજ્યના જળ વ્યવસ્થાપન, કૃષિ, ઈન્ફ્રાસ્ટ્રક્ચર અને ગ્રામીણ અર્થતંત્રને નવી ઊર્જા મળશે

ગુજરાત•અમદાવાદ•29 ઑક્ટોબર, 2026

મહેસાણા રેલ્વે મુસાફર માટે સારા સમાચાર: સાબરમતીથી મહેસાણા વાયા બેચરાજી રૂટ પર ૨ નવી MEMU ટ્રેનો દોડાવવા રેલવે મંત્રાલયની મંજૂરી

કેન્દ્રીય રેલવે મંત્રી અશ્વિની વૈષ્ણવે સંસદ સભ્ય મયંક નાયકની રજૂઆતને પગલે સાબરમતીથી મહેસાણા વચ્ચે વાયા બેચરાજી થઈને મુસાફરોની સુવિધા માટે બે નવી મેમૂ (MEMU) ટ્રેનો (ગાડી સં. 69127/69128 અને 69131/69132) દોડાવવાની સત્તાવાર મંજૂરી આપી છે.

ગુજરાત•અમદાવાદ•28 ઑક્ટોબર, 2026

અમદાવાદમાં છેતરપિંડીના બે બનાવો: નરોડા GIDCની કંપની સાથે ₹૮.૬૦ લાખની ઉચાપત, વટવામાં શાકભાજીના વેપારી સાથે Paytm e-KYCના નામે ₹૨૧,૦૦૦ની ઓનલાઇન ઠગાઈ

નરોડા બનાવ: નરોડા GIDCની ‘પ્રીમિયમ એન્જિનિયરિંગ મેન્યુફેક્ચરિંગ’ કંપનીમાં કામ કરતા ચિરાગ પટેલે બજારભાવ કરતાં ઊંચા બિલ મંજૂર કરાવી ₹૮,૬૦,૦૦૫ની ઉચાપત કરી. વટવા GIDC બનાવ: ઉત્તમનગર હીરાભાઈ ટાવર પાસે શાકભાજીના ૬૦ વર્ષીય વેપારીને Paytm e-KYCના બહાને ફોન અને પાસવર્ડ મેળવી અજાણ્યા શખ્સે ₹૨૧,૦૦૦ સેરવી લીધા. પોલીસ કાર્યવાહી: બંને ઘટનાઓ અંગે નરોડા અને વટવા GIDC પોલીસ સ્ટેશનમાં વિશ્વાસઘાત અને છેતરપિંડીની ફરિયાદ નોંધાઈ.

ગુજરાત•ગાંધીનગર•26 ઑક્ટોબર, 2026

ગુજરાતમાં ઓછો વરસાદ ધરાવતા ૪ જિલ્લા દુષ્કાળગ્રસ્ત જાહેર: મુખ્યમંત્રી ભૂપેન્દ્ર પટેલનો ખેડૂતો અને પશુપાલકોના હિતમાં મોટો નિર્ણય

દુષ્કાળગ્રસ્ત જિલ્લાઓ: દેવભૂમિ દ્વારકા, પોરબંદર, કચ્છ અને જામનગર (સંપૂર્ણ ૪ જિલ્લા). ખેડૂત પાક નુકસાની સહાય: SDRFના ધોરણો મુજબ અસરગ્રસ્ત પાકો માટે પ્રતિ હેક્ટર ₹૮,૫૦૦ સહાય (મહત્તમ ૨ હેક્ટરની મર્યાદામાં). પશુપાલકો માટે રાહત: પશુ કેમ્પના પશુઓ માટે પ્રતિ પશુ રોજના ₹૮૦ સહાય (શરૂઆતના ૨ મહિના SDRFમાંથી અને ત્યારબાદ રાજ્ય સરકાર ખર્ચ ઉઠાવશે). ઘાસચારા વ્યવસ્થા: અત્યાર સુધીમાં ૧.૨૧ કરોડ કિલો ઘાસનું કિલો દીઠ ₹૨ના રાહતદરે વિતરણ થયું; ૩ કરોડ કિલો ઘાસનો જથ્થો ઉપલબ્ધ અને વધારાની ખરીદી ચાલુ. રોજગારી સહાય: ગ્રામીણ વિસ્તારોમાં વી.બી.જી. રામ જી. યોજના અન્વયે ૧૫૦ માનવદિન રોજગારી અપાશે. અમલીકરણ તારીખ: તમામ નિર્ણયોનો અમલ તા. ૧ નવેમ્બર, ૨૦૨૬થી શરૂ થશે. સિંચાઈ અને પીવાનું પાણી: રવિ સિઝન માટે ૭૬ ડેમોમાંથી ૧થી ૪ પાણ અપાશે; તા. ૩૦/૦૬/૨૦૨૭ સુધી પીવાનું પાણી અનામત રાખવામાં આવ્યું.

ગુજરાત•ગાંધીનગર•25 ઑક્ટોબર, 2026

રાષ્ટ્રીય એકતા દિવસ-2026: ગાંધીનગરથી સ્ટેચ્યુ ઓફ યુનિટી સુધી નેશનલ મોટરસાઇકલ રેલીનો પ્રારંભ

ગાંધીનગર સચિવાલય ખાતેથી મુખ્યમંત્રી શ્રી ભૂપેન્દ્રભાઈ પટેલે ‘રાષ્ટ્રીય એકતા દિવસ-2026’ અંતર્ગત યોજાયેલી નેશનલ મોટરસાઇકલ રેલીને લીલી ઝંડી આપી સ્ટેચ્યુ ઓફ યુનિટી, એકતા નગર જવા પ્રસ્થાન કરાવ્યું હતું. લદ્દાખ, જમ્મુ-કાશ્મીર, પંજાબ, દિલ્હી, ઉત્તર પ્રદેશ, રાજસ્થાન સહિત વિવિધ રાજ્યો અને કેન્દ્રીય સશસ્ત્ર પોલીસ દળો (CAPF)ના બાઇકર્સ આ રેલીમાં જોડાયા છે. ‘Say No to Drugs, Say Yes to Life’ના સંદેશ સાથે રેલીના માર્ગમાં વિવિધ સ્થળોએ નશામુક્તિ અંગે જનજાગૃતિ કાર્યક્રમો યોજાઈ રહ્યા છે.

ગુજરાત•ગાંધીનગર•24 ઑક્ટોબર, 2026

ગુજરાત પોલીસ આવાસ અને કચેરીઓની મરામતમાં ભ્રષ્ટાચાર અટકાવવા DGP જ્ઞાનેન્દ્રસિંહ મલિકનો મોટો નિર્ણય: નવી 'SOP' જાહેર, કામના ક્વોટેશનને બદલે સીધી ગુણવત્તાયુક્ત સામગ્રી ખરીદાશે

જૂની પદ્ધતિ રદ: વર્ષ ૨૦૨૫-૨૬ માં મરામતના ૮૬% કામો (રૂા. ૧૭.૪૮ કરોડ) "ત્રણ ક્વોટેશન"થી થયા હતા, જેમાં સમયનો વ્યય અને ગેરરીતિની ફરિયાદો ઉઠતી હતી. નવો નિયમ: હવે ‘કામના ક્વોટેશન’ મંગાવવાને બદલે ‘ચીજવસ્તુઓના ક્વોટેશન’ મંગાવી ગુણવત્તાયુક્ત સ્પેરપાર્ટ્સ-સામગ્રી કચેરી ખાતે અગાઉથી સ્ટોકમાં રખાશે. કડક મોનિટરિંગ: વર્ગ-૧ કે ૨ ના અધિકારીઓ દ્વારા દર મહિને અને કચેરી વડા દ્વારા દર ત્રિમાસિક ગાળે સ્ટોકની ભૌતિક ચકાસણી ફરજિયાત કરવામાં આવી. ત્વરિત નિરાકરણ: પ્લમ્બિંગ, વાયરિંગ કે લીકેજ જેવા પ્રશ્નોનું હવે તાત્કાલિક નિરાકરણ આવશે; ફરિયાદો અને નિકાલ માટે અલગ રજીસ્ટર રખાશે.

ગુજરાત•અમદાવાદ•21 ઑક્ટોબર, 2026

પોલીસ શહીદ સ્મૃતિ દિને CM ભૂપેન્દ્ર પટેલની શહીદોને ભાવપૂર્ણ શ્રદ્ધાંજલિ: 'ગુજરાતના ગ્રોથ એન્જિન પાછળ પોલીસ દળની ફરજ નિષ્ઠાનું મોટું યોગદાન'

૨૧ ઓક્ટોબરના રોજ 'પોલીસ શહીદ સ્મૃતિ દિવસ' નિમિત્તે અમદાવાદના શાહીબાગ શહીદ સ્મારક ખાતે રાજ્યકક્ષાનો શ્રદ્ધાંજલિ કાર્યક્રમ યોજાયો હતો. મુખ્યમંત્રી શ્રી ભૂપેન્દ્ર પટેલે નાગરિકોની સુરક્ષા માટે પ્રાણની આહુતિ આપનારા વીર શહીદ જવાનોને પુષ્પાંજલિ અર્પણ કરી હતી. મુખ્યમંત્રીશ્રીએ જણાવ્યું હતું કે, ગુજરાત આજે દેશનું ‘ગ્રોથ એન્જિન’ બન્યું છે તેનો શ્રેય સુદૃઢ કાયદો-વ્યવસ્થા અને પોલીસ દળની કર્તવ્યનિષ્ઠાને ફાળે જાય છે. આ પ્રસંગે શોક ધૂન અને ગાર્ડ ઓફ ઓનર સાથે શહીદોને સન્માન સલામી અપાઈ હતી. કાર્યક્રમમાં ધારાસભ્યો, સાંસદ અને ઉચ્ચ પોલીસ અધિકારીઓ ઉપસ્થિત રહ્યા હતા.

ગુજરાત•ગાંધીનગર•20 ઑક્ટોબર, 2026

ખેડૂતો, ઉદ્યોગો અને નાગરિકોને મળશે અવિરત વીજળી: ગાંધીનગરમાં સીએમ દ્વારા પાવર સેક્ટરની સ્થિતિનું સઘન મૂલ્યાંકન

ગાંધીનગર ખાતે મુખ્યમંત્રીશ્રીની અધ્યક્ષતામાં રાજ્યના ઊર્જા વિભાગ સાથે ઉચ્ચસ્તરીય સમીક્ષા બેઠક યોજાઈ હતી. આ બેઠકમાં ઊર્જા મંત્રીશ્રી, મુખ્ય સચિવ સહિત પાવર સેક્ટરના ઉચ્ચ અધિકારીઓ ઉપસ્થિત રહ્યા હતા. રાજ્યમાં ખેતી, ઉદ્યોગ અને રહેણાંક ક્ષેત્રે વીજળીની સતત વધતી માંગ સામે ગુણવત્તાયુક્ત અને અવિરત વીજ પુરવઠો જળવાઈ રહે તે માટે સરકારે લીધેલાં તાત્કાલિક પગલાં તેમજ ભવિષ્યના સુદ્રઢ આયોજનની સર્વાંગી સમીક્ષા કરવામાં આવી હતી

ગુજરાત•ગાંધીનગર•19 ઑક્ટોબર, 2026

કરજણ નદી પર બ્રિજના નબળા બાંધકામ બદલ મુખ્યમંત્રી ભૂપેન્દ્ર પટેલનો સપાટો: કોન્ટ્રાક્ટર સામે રાજપીપળામાં FIR, અધિકારીઓ સામે પણ તપાસ

સ્થળ: રાજપીપળા-રામગઢ (નવાગામ) રોડ, કરજણ નદી પરનો મેજર બ્રિજ, જિલ્લો નર્મદા. ખર્ચ: ₹૧૦.૭૧ કરોડના ખર્ચે વર્ષ ૨૦૨૦માં પૂર્ણ થયેલો બ્રિજ. મુખ્ય ક્ષતિ: બ્રિજનું એક ફાઉન્ડેશન સેટલ (બેસી જવું) થવાની સાથે અન્ય ભાગોમાં ગંભીર ગુણવત્તાકીય ખામીઓ મળી આવી, જેનાથી પુલ જોખમી બન્યો અને વાહનવ્યવહાર બંધ કરવો પડ્યો. સરકારી પગલાં: સુરતની કોન્ટ્રાક્ટર એજન્સી મેસર્સ રોયલ ઇન્ફ્રા એન્જિનિયરિંગ પ્રા. લિ. સામે રાજપીપળા પોલીસ સ્ટેશનમાં ફોજદારી ગુનો (FIR) દાખલ. જવાબદાર સરકારી ઈજનેરો/અધિકારીઓ સામે ગુજરાત રાજ્ય સેવા (શિસ્ત અને અપીલ) નિયમો, ૧૯૭૧ હેઠળ કડક શિસ્તભંગના પગલાં લેવાનો આદેશ.

ગુજરાત•ગાંધીનગર•18 ઑક્ટોબર, 2026

વાયરલેસ કેડરના 903 ઉમેદવારો દસ્તાવેજ ચકાસણી માટે લાયક

ગુજરાત પોલીસ ભરતી બોર્ડ દ્વારા પોલીસ ટેકનિકલ (વાયરલેસ) કેડરની ભરતી પ્રક્રિયા અંગે અપડેટ જાહેર કરવામાં આવ્યું છે. જાહેરાત ક્રમાંક GPRB/202526/2 અંતર્ગત પોલીસ સબ ઇન્સ્પેક્ટર (વાયરલેસ) અને ટેકનિકલ ઓપરેટરનાં કુલ 903 ઉમેદવારો દસ્તાવેજ ચકાસણી માટે લાયક ઠર્યા છે. દસ્તાવેજ ચકાસણીની પ્રક્રિયા 19 ઓક્ટોબરથી 28 ઓક્ટોબર, 2026 દરમિયાન અમદાવાદ અને ગાંધીનગર ખાતે યોજાવાની છે.

ગુજરાત•અમદાવાદ•17 ઑક્ટોબર, 2026

અમદાવાદમાં સોના-ચાંદીના વેપારમાં ₹86.47 લાખની છેતરપિંડીનો આક્ષેપ: બે વ્યક્તિ સામે ક્રાઈમ બ્રાન્ચમાં ફરિયાદ

અમદાવાદના સરદારનગર વિસ્તારમાં સોના-ચાંદીના વેપારના બુકિંગ પેટે એડવાન્સ પેમેન્ટ મેળવ્યા બાદ માલની ડિલિવરી નહીં કરવામાં આવી હોવાની ફરિયાદ ક્રાઈમ બ્રાન્ચમાં નોંધાઈ છે. ફરિયાદી સુમનબહેન છેલાનીના આક્ષેપ મુજબ, બે વ્યક્તિઓએ 150 ગ્રામ સોનું અને 28 કિલો ચાંદી મળી કુલ ₹86,47,500ની કિંમતના માલના બુકિંગ પેટે નાણાં લીધા હતા, પરંતુ સોના-ચાંદીની ડિલિવરી કે નાણાં પરત આપ્યાં નહોતાં. આ મામલે પોલીસે ફરિયાદના આધારે તપાસ હાથ ધરી છે.

ગુજરાત•અમદાવાદ•16 ઑક્ટોબર, 2026

તેલંગાણાની સમૃદ્ધ સંસ્કૃતિ અમદાવાદ બાપુનગરમાં ખીલશે: આજેસતત ત્રીજા વર્ષે ભવ્ય બથુકમ્મા ઉત્સવ

પ્રથમ યુવા જનસેવા ચેરિટેબલ ટ્રસ્ટ, અમદાવાદ (PYJS). તારીખ: આવતીકાલે, 17 ઑક્ટોબર, 2026. આકર્ષણ: પરંપરાગત બથુકમ્મા પૂજન, લોકનૃત્યો તથા બાળકો-યુવતીઓની સાંસ્કૃતિક પ્રસ્તુતિ. વિશેષતા: સતત ત્રીજા વર્ષે આયોજન; અમદાવાદમાં વસતા દક્ષિણ ભારતીય સમાજના 4,000થી 4,500 લોકો એકત્ર થશે.

ગુજરાત•ગાંધીનગર•15 ઑક્ટોબર, 2026

ગુજરાતના ચાર જિલ્લામાં આધુનિક મેડિકલ કોલેજો સ્થાપવાનો નિર્ણય, આરોગ્ય સેવાઓને મળશે નવી દિશા

:ગુજરાત સરકાર દ્વારા તબીબી શિક્ષણનો વ્યાપ વધારવા અને નાગરિકોને આધુનિક આરોગ્ય સેવાઓ ઉપલબ્ધ કરાવવાના હેતુથી ખેડા, મહીસાગર, બોટાદ અને ગીર-સોમનાથ જિલ્લામાં બ્રાઉનફિલ્ડ મેડિકલ કોલેજોની સ્થાપનાને મંજૂરી આપવામાં આવી છે. જાહેર-ખાનગી ભાગીદારી (PPP)ના ધોરણે વિકસાવવામાં આવનારી આ સંસ્થાઓમાં હાલની નિઃશુલ્ક આરોગ્ય સુવિધાઓ ચાલુ રાખવાની સાથે ડાયાલિસિસ, પ્રસૂતિ, બાળ સારવાર અને અકસ્માતના દર્દીઓ માટે નિઃશુલ્ક સારવારની જોગવાઈ કરવામાં આવશે.

ગુજરાત•14 ઑક્ટોબર, 2026

દિવાળી પહેલાં રેશનકાર્ડ ધારકોને રાહત: અનાજ વિતરણ માટે 96 ટકાથી વધુ પરિવહન પૂર્ણ

સરકાર દ્વારા આપવામાં આવેલી માહિતી અનુસાર, વાજબી ભાવની દુકાનો પર સિંગતેલ અને ખાંડનો પૂરતો જથ્થો ઉપલબ્ધ છે. રેશનકાર્ડ ધારકોને જાહેર વિતરણ વ્યવસ્થા હેઠળ મળવાપાત્ર ચીજવસ્તુઓ સરળતાથી મળી રહે તે માટે પરિવહન અને વિતરણની કામગીરી હાથ ધરવામાં આવી છે.

ગુજરાત•પંચમહાલ•10 ઑક્ટોબર, 2026

પંચમહાલમાં નવજાત બાળકીના મોતનો ચોંકાવનારો મામલો: માતા-પિતાની ધરપકડ

પંચમહાલ જિલ્લાના હાલોલ નજીકના તળાવમાંથી નવજાત બાળકીનો મૃતદેહ મળી આવવાના કેસમાં પોલીસે બાળકીના માતા-પિતાની ધરપકડ કરી છે. પ્રાથમિક અહેવાલ મુજબ, દંપતી પર આરોપ છે કે ત્રીજા સંતાન તરીકે બાળકીનો જન્મ થતાં તેની હત્યા કરી મૃતદેહને ઈંટો સાથે થેલીમાં બાંધી તળાવમાં ફેંકી દેવામાં આવ્યો હતો. કેસમાં પોલીસની વધુ તપાસ ચાલુ છે.

ગુજરાત•અમદાવાદ•8 ઑક્ટોબર, 2026

અમદાવાદ: જૂની ₹૫ની નોટના બદલામાં ₹૭૫ લાખ આપવાની લાલચ આપી રામોલના વેપારી સાથે ₹૧ લાખથી વધુની છેતરપિંડી

ફેસબુક પર ટ્રેક્ટરવાળી જૂની ₹૫ની નોટ ખરીદવાની જાહેરાત જોઈ સંપર્ક કર્યો. રજિસ્ટ્રેશન અને ટ્રાન્સપોર્ટના બહાને ટુકડે-ટુકડે ઓનલાઇન નાણાં પડાવી લીધા.

ગુજરાત•અમદાવાદ•7 ઑક્ટોબર, 2026

વિદેશ જવાના નામે લાખોની છેતરપિંડીફોર્ચ્યુન ઇન્ટરનેશનલ'ના સંચાલક વૈભવ શિંદે સામે નવરંગપુરામાં ગુનો દાખલ

અમદાવાદના નવરંગપુરા વિસ્તારમાં લૉ ગાર્ડન પાસે આવેલી ‘ફોર્ચ્યુન ઇન્ટરનેશનલ’ નામની વિઝા કન્સલ્ટન્સીના સંચાલક વૈભવ શિંદે સામે વિદેશ જવા ઇચ્છુક ત્રણ વ્યક્તિઓ પાસેથી કુલ ₹૧૨,૨૫,૦૦૦ મેળવી વિઝા કે વર્ક પરમિટ ન આપી છેતરપિંડી આચરવા બદલ નવરંગપુરા પોલીસ મથકે ફરિયાદ નોંધાઈ છે

ગુજરાત•અમદાવાદ•6 ઑક્ટોબર, 2026

ચેતજો! WhatsApp પર આવેલી APK ફાઈલ ડાઉનલોડ કરતાં નિકોલના વૃદ્ધે ₹૫.૧૯ લાખ ગુમાવ્યા; ચાણક્યપુરીના શખ્સે વિદેશ મોકલવાના નામે યુવકને ₹૨૮ લાખનો ચૂનો ચોપડ્યો

અમદાવાદ શહેરમાં વિશ્વાસઘાત અને છેતરપિંડીના બે અલગ-અલગ બનાવોમાં પોલીસે ગુનો નોંધી તપાસ હાથ ધરી છે: સાયબર ક્રાઇમ: નિકોલના ૬૫ વર્ષીય વૃદ્ધને વ્હોટ્સએપ પર "BOI PAN CARD UPDATE.apk" ફાઈલ મોકલી મોબાઈલનો એક્સેસ મેળવી બેંક ખાતામાંથી ₹૫.૧૯ લાખથી વધુની રકમ ટ્રાન્સફર કરી લેવાઈ. સોલા હાઇકોર્ટ: મહેસાણાના કડીના યુવકની પત્નીને ફિનલેન્ડ દેશના વર્ક પરમિટ વિઝા અને નોકરી અપાવવાના બહાને ઘાટલોડિયાના શખ્સે ખોટા દસ્તાવેજો પધરાવી ₹૨૮ લાખની છેતરપિંડી આચરી.

ગુજરાત•મહેસાણા•4 ઑક્ટોબર, 2026

ઊંઝા ઉમિયાધામ ટ્રસ્ટના નવા પ્રમુખ બન્યા પૂર્વ IAS અધિકારી એમ.એસ. પટેલ

કડવા પાટીદાર સમાજની માતૃ સંસ્થા ઊંઝા ઉમિયાધામ ટ્રસ્ટના નવા પ્રમુખ તરીકે પૂર્વ IAS અધિકારી એમ.એસ. પટેલની સર્વાનુમતે પસંદગી કરવામાં આવી છે. આ સાથે મહેસાણાના ધારાસભ્ય મુકેશ પટેલને મંત્રી અને રાજકોટના ઉદ્યોગપતિ મૌલેશ ઉકાણીને બીજા ઉપપ્રમુખ તરીકે નિયુક્ત કરવામાં આવ્યા છે.

ગુજરાત•4 ઑક્ટોબર, 2026

વધુ પડતી પેઇનકિલર કિડની ફેલ કરી શકે છે: CDSCOની ચેતવણી

સેન્ટ્રલ ડ્રગ સ્ટાન્ડર્ડ કંટ્રોલ ઓર્ગેનાઇઝેશન (CDSCO) દ્વારા ડૉક્ટરની સલાહ વગર લાંબા સમય સુધી પેઇનકિલર લેવા સામે ચેતવણી આપવામાં આવી છે. આ પ્રકારની બેદરકારીથી કિડની ફેલ થવાનું જોખમ રહે છે અને યુવાનોમાં પણ આવા કેસો વધી રહ્યા છે.

ગુજરાત•3 ઑક્ટોબર, 2026

હાજીપીર સુધી 32 કિમી RCC રોડનું કામ પૂર્ણ, બંધ ST બસ સેવા ફરી શરૂ કરવા સ્થાનિકોની માંગ

કચ્છના સોઢરાણા ગામ નજીક આવેલા કોમી એકતાના પ્રતીક સમાન હાજીપીર બાબાની દરગાહ સુધી દેશલપર-ગૂંથલીથી 32 કિલોમીટર લાંબા RCC રોડનું કામ પૂર્ણ થતાં સ્થાનિકો અને શ્રદ્ધાળુઓને મોટી રાહત મળી છે. છેલ્લા પાંચ વર્ષથી ખરાબ રસ્તાના કારણે લોકોને ભારે મુશ્કેલીનો સામનો કરવો પડતો હતો. હવે રસ્તો તૈયાર થતાં બંધ પડેલી ST બસ સેવા ફરી શરૂ કરવાની માંગ ઉઠી છે.

ગુજરાત•વડોદરા•1 ઑક્ટોબર, 2026

ડભોઇ પાસે અસ્વચ્છતા જોઈ CM ભૂપેન્દ્ર પટેલે સ્થળ પરથી જ આપી સફાઈની સૂચના

સ્ટેચ્યુ ઓફ યુનિટી, એકતાનગર ખાતે મા નર્મદાના નીરના વધામણા બાદ પરત ફરતી વખતે મુખ્યમંત્રી ભૂપેન્દ્રભાઈ પટેલની નજર ડભોઇ નજીક જાહેર રસ્તા અને તળાવ આસપાસની અસ્વચ્છતા પર પડી હતી. મુખ્યમંત્રીએ સ્થળ પર જ સ્થિતિનું નિરીક્ષણ કરી તાત્કાલિક સફાઈ કામગીરી શરૂ કરવા અધિકારીઓને સૂચના આપી હતી.

ગુજરાત•અમદાવાદ•26 સપ્ટેમ્બર, 2026

ગુજરાતમાં ચોમાસાની વિદાય વચ્ચે ફરી વરસાદની આગાહી, સૌરાષ્ટ્ર-કચ્છમાં 30 સપ્ટેમ્બરથી 2 ઓક્ટોબર સુધી વરસાદની શક્યતા

ગુજરાતમાં ચોમાસાની વિદાયની પ્રક્રિયા શરૂ થઈ ગઈ છે, તેમ છતાં આગામી દિવસોમાં રાજ્યના કેટલાક વિસ્તારોમાં હળવાથી મધ્યમ વરસાદના ઝાપટાં પડી શકે છે. હવામાન વિભાગની માહિતી મુજબ દક્ષિણ ગુજરાતના કેટલાક વિસ્તારોમાં વરસાદની શક્યતા યથાવત છે. હાલ ગુજરાતના સત્તાવાર IMD મેટ સેન્ટરના 26 સપ્ટેમ્બરના સાત દિવસના બુલેટિનમાં ગુજરાત રિજન તથા સૌરાષ્ટ્ર-કચ્છ માટે કોઈ ચેતવણી જાહેર કરવામાં આવી નથી. �

ગુજરાત•25 સપ્ટેમ્બર, 2026

જનહિત • જનજાગૃતિ આજથી નવી શરૂઆત... આપ સૌનું હાર્દિક સ્વાગત છે!

અખિલ ગુજરાત ન્યૂઝ વેબસાઈટ સાથે જોડાઓ આજથી અખિલ ગુજરાત ન્યૂઝ વેબસાઈટ પર સમાચાર પ્રકાશિત કરવાની નવી શરૂઆત!